بلادي

بلادي

عايش عمري عاشق لجمالها
الصحرا و بحارها سهولها و جبالها
هي بلادي و انا بغرامها
صاين العهد ما ننسى فضالها
نفديها بروحي نعطيها حياتي
تنسيني جروحي الساكنة في ذاتي
عزي و أفراحي هي مولاتي
بلادي و كياني عزها فرجالها
أيامها فرحة تاريخها أمجاد
أمانة بين الأجداد و الأحفاد
أغلى حضارة بهرات العباد
فالأرض و الكون ما تلقى فحالها
روحي تفديها قلبي يبغيها
نفسي عليها و نغير عليها
الغالي نعطيها ربي يحميها
قلبي لاحضانها طالب وصالها

د. عبدالقادر الخصاصي