يا الساكنة في قلبي يا تازة ديالي
اشحال فبعادك اتغير حالي
مشتاق نزورك ونحكي ما جرالي
فالغربة قاسيت ايام و ليالي
مشتاق لدروبك مشتاق لسواقك
مشتاق لمعالم ساكنة فاحضانك
مشتاق نشوف الثريا ديالك
يا تازة العليا لبي لي سؤالي
مشتاق باب الريح
و الهوى المليح
مشتاق فالمشور
نتسارى و نسيح
يا تازة الباهية فرحي بوصالي
يا تازة الباهية فرحي بوصالي
في الجامع الكبير
كانو ناس الخير
ناس الأصالة
و العلم الغزير
يا تازة العالمة زيدي فالمعالي
مشتاق البستيون
القلوع و الزيتون
و اسوار العالية
حامياها فحصون
يا تازة التاريخ و المجد العالي
اشواقي فدراع اللوز
و سيدي عزوز
ملقاة احبابي
عندي فضل و فوز
و لتازة السفلى نهدي موالي
موضوع: تازة ديالي 
الخميس نوفمبر 22, 2012 4:34 pm